SELANGAU: Kaban Kunsil Nengeri (Adun) Tamin Ir Christopher Gira Sambang udah nyaup dua buah rumah panjai ba sitak nya ngentak rumah baru.
Ba pengawa tu iya ngungkupka bantu sepenyampau RM80,000 ngagai Rumah David Nyetau enggau RM40,000 ngagai Rumah Gani di Batu 33, Jalai Sibu-Selangau ditu.
Bantu tu dikena Gira nyaup peranak dua buah rumah panjai nya bebelika ramu dikena ngentak baru.
Sebedau tu, dua buah rumah panjai nya udah dituntung penusah karam di darat lalu begunaka belanja besai dikena berumah baru.
Kelimpah ari nya, sida mega bisi nerima pinjau berumah ari Gerempung Pemansang Rumah Sarawak (HDC).
