KUCHING: Gabungan Parti Sarawak (GPS) udah sedia enggau naka ulih ngetanka menalan diri ba Pengawa Bepilih Besai Nengeri Ke-12 (PRN12).
Manadal Presiden Parti Pesaka Bumiputera Bersatu (PBB), Datuk Seri Stephen Rundi Utom madah, gempung sida udah nyikap diri sikik napi PRN.
“Kami udah nyikap diri enggau andal nambahka majoriti menang.
“Pia mega udah sedia napi penyakal ngetanka nengeri disayau enggau rayat sereta neruska perambu kami ngemansangka Sarawak baka ke udah dipadah nengah Strategi Pemansang Pasca-Covid-19 2030,” ku iya madah ngagai Suara Sarawak, kemari.
Ex-Adun Kemena nya mega madah pasal atur madamka Proklamasi Darurat Sarawak sereta ngujungka PRN Ke-12 diatur dalam timpuh 60 hari berengkah ari haribulan iya dipadam.
