KUCHING: Taga besekula ke dibantai kena 23 June tu tadi patut diperati baru lalu mungkur buah penemu ari komiti renggat baruh iya nya bala pengajar.
Presiden Serakup Pengajar Sarawak (STU) Macky Joseph madah penemu bala pengajar ti nyadi pengereja pengawa tauka ‘the doer’ beguna amat dikena nentuka pemujur japai juluk pelajar.
“Jaku ari pengajar beguna amat laban sida ti ngereja pengawa nentuka pemujur juluk pelajar,” ku iya nengah sebengkah penerang kemari.
Nangkan nya, iya madah baka diatu musin Atur Tagang Pejalai (PKP) nyentuk Atur Tagang Pejalai Penyuman (PKPP), raban STU meseti dikangau berandau tauka baum pasal taga besekula awakka sebarang pemutus disetuju kededua piak iya nya Opis Menteri Pelajar enggau bala pengajar ba sekula.
