Jaga lipan ditemu selamat, pengudah tesat maya ngiga kayu

KOTA SAMARAHAN: Siku orang ke gawa jaga lipan udah ditemu enggau selamat tadi pengudah diripotka lenyau maya ngiga kayu ba kandang kampung Jalai Meranek enda jauh ari kilang sawit Kampung Endap.

Kenu ku pengari Palan Operasyen Bomba Sarawak, lelaki beumur 51 taun nya ditemu raban penyidi enggau nyelamat (SAR) ba urung 500 meter ari Palan Jaga Bomba.

“Tudah ke udah ditemu dibai ngagai klinik pengerai ngambika diperubat,” ku iya nengah sebengkah penerang sehari tu.

Tudah ke gawa nyadi jaga lipan ba dalam kampung tunga belakang kilang sawit Kampung Endap diripotka lenyau urung pukul 8.30 malam Hari Tiga tu tadi.

Ripot nya digaga ipar tudah ke lenyau, pengudah lelaki nya madah diri tesat.

Orang diau ba genturung pendiau nya bisi nguji ngiga tang puntan, nya ngujungka ipar iya minta saup raban bomba.

Bela bisi nyaup pengawa SAR tu iya nya raban polis, Raban Penyaga Orang Periman (APM) enggau peranak genturung pendiau.

Suara Sarawak