KUCHING: Jaku tuduh ngumbai Perintah Sarawak ngambi tanah rayat enti udah disukat ngena Seksyen 18 endang semina jaku petenah.

Sapit Speaker Dun, Datuk Gerawat Gala madah, Seksyen 18 tu kebendar dikena ngemanah agi Seksyen 6 ngambika pengawa nyukat tanah ulih digaga lengkas.

“Pengelama 50 taun sebedau 2010, semina 260,000 hektar ke mujur disukat enggau pupu rata 5,200 hektar setaun.

“Pengudah Seksyen 6 dikemanah ngagai Seksyen 18, kitai mujur nyukat 910,000 hektar dalam timpuh semilan taun,” ku iya.

Iya madah munyi nya rambau randau bekunsi penemu manah beserimbai Konvensyen GPS di BCCK ditu, lemai tadi.

Ku Gerawat, dalam setaun, urung 101,000 hektar disukat nengah Seksyen 18.