SIMANGGANG: Komuniti ba pelilih Kampung Sungai Reboh Batu Lintang, Undop enggau Kampung Paku Ili, Undop deka disambung enggau jalai alun beungkus RM500,000.
Projek ti di baruh Projek Transformasyen Menua Pesisir (RTP) dipegai Adun Simanggang Datuk Francis Harden Hollis nya disadang berengkah ba bulan Julai 2020.
Projek jalai alun nya meri penguntung ngagai rayat ti begunaka pemansang fizikal dikena neruska pengidup sereta penyambung ngagai endur betanam betupi ke baru.
Kelimpah ari nya, projek nya disadang deka tembu ba pengelama enam bulan ari timpuh ke udah ditetap.
Projek nya patut udah berengkah ba bulan April 2020 tang ditangguh berindik ari Atur Tagang Pejalai (PKP).
