KUCHING: Struktur jalai ti udah lama enggau kurang patau ngagai perengka pengangkut ti betengahka jalai nya ngundan barang ngelui ari tatak entara pun penanggul jalai alun ba Sabah jai.
Menteri Kereja Raya, Datuk Sri Alexander Nanta Linggi madah, iya sedar isu jalai alun Perintah Besai ba Sabah nya suah dibantai ba media rama diatu.
“Bisi mayuh kebuh udah ditemu baka struktur jalai ti udah lama enggau kurang patau ngagai perengka pengangkut ti betengahka jalai nya ngundan barang ngelui ari tatak ke patut.
“Taja pia, KKR bisi ngadu sekeda pengawa dikena mutarka isu tu,” ku iya.
Nanta bejaku munyi nya lebuh nyaut tanya Kaban Parlimen Putatan, Datuk Ir Shahelmy Yahya ba Dewan Rayat Aum Ketiga Penggal Kedua Parlimen Ke-15, kemari.
