KUCHING: Bisi 150 penerima diberi Darjah Kebesaran Negeri Sarawak ari Tuai Pemegai Menua (TYT) Sarawak, Tun Pehin Sri Dr. Wan Junaidi Tuanku Jaafar ba Pengawa Nyua Darjah Kebesaran Negeri ti diatur di Dewan Besar, Astana Negeri Sarawak, ditu kemari.

Pengawa nya dipun enggau Darjah Utama Yang Amat Mulia Bintang Kenyalang Sarawak Pegawai Bintang Kenyalang (P.B.K) ti diberi ngagai 14 penerima.

Entara penerima nya nyengkaum Bujang Rhaman Seli, Ezra Uda, Muhammad Dino Amid, Peleadzman Ahip, Tamida Da’adi, Dampa Long, Meehan Jorai, Petrick Linggie Taboh, Hamidah Halpi, Anne Anthony Lajinga, Caroline Chen Tze Yian, Dayang Morzanah Awang Haddy, Dorris Synia enggau Rabiah Zaidan.

Bisi mega Pingat Pentadbiran Awam Pingat Perkhidmatan Bakti (P.P.B) diberi ngagai 20 penerima iaitu Angelico Francis Freddy Tiam, Awang Nazri Awang Saperi, Boggie Juntan sereta ke bukai dientudi 11 penerima diberi Darjah Yang Amat Mulia Bintang Sarawak Ahli Bintang Sarawak (A.B.S).

Pengawa nya ditampung enggau nyua Darjah Utama Yang Amat Mulia Bintang Kenyalang Sarawak Ahli Bintang Kenyalang (A.B.K) ngagai 21 penerima lalu Pingat Pentadbiran Awam Pingat Perkhidmatan Terpuji (P.P.T) diberi ngagai 43 penerima.

Pia mega, 41 penerima diberi Darjah Yang Amat Mulia Bintang Sarawak Bentara Bintang Sarawak (B.B.S). Tun Wan Junaidi disempulang bini iya, Toh Puan Datuk Patinggi Fauziah Mohd Sanusi.

Bela datai, Sapit Menteri Pengangkut Sarawak (Langit enggau Darat), Datuk Dr. Jerip Susil, Sapit Menteri Dagang Antarabansa, Industri enggau Pengawa Meranak Puku Sarawak, Industri enggau Pengawa Meranak Puku Sarawak, Datuk Dr. Malxom Mussen Lamoh, Sapit Menteri ba Opis Premier Sarawak (Integriti enggau Ombudsman), Datuk Dr. Juanda Jaya, Sapit Sekretari Perintah Sarawak (Administrasyen), Datuk Datu Felicia Tan Ya Hua sereta bala tuai opis. – EDISI UKAS