KUCHING: Menteri Muda Perengka Pengangkut, Datuk Dr. Jerip Susil madahka diri diatu udah suman ari igi penyakit Covid-19.

“Udah dua kali beperesa Covid-19 lalu kededua pemutus negatif.

“Reti iya, aku udah suman ari igi penyakit tu,” ku Jerip nengah penerang ba Facebook, ditu tadi.

Taja pia, Adun Mambong nya madah diri diatu agi ngurung diri nyentuk 21 April tu.

Ungkup penerang, Dr. Jerip sebeda tu ditukuka positif Covid-19 kena 3 April tu tadi lalu udah dipasuk ba Sepital Besai Sarawak (SGH) ngambi diubat.

Dr. Jerip dipechaya kena rampit siku pengereja ti udah ngulu Gempuru Besai Gerija Good News Fellowship.