KUCHING: Pejalai nujah entara pelilih menua agi enda dikemendarka di Sarawak sekumbang Atur Tagang Pejalai Besyarat (PKPB) tu.

Sapit Kepala Menteri ti mega nyadi Chairman Komiti Penyangga Penusah Ngenyit Nengeri Sarawak (JPBNS) Datuk Amar Douglas Uggah Embas madah pekara nya semina diteritka ba nengeri tu laban Sarawak sama pemesai enggau Semenanjung Malaysia lalu zon gadung ba nengeri tu semina bisi ba sekeda pelilih menua aja.

“Aku udah mantaika penyampau kes positif ti nyadi di menua pesisir keregal pejalai sida ke bisi kes positif ari Kuching ngagai pelilih menua ke bukai

“Nya alai, tagang pejalai entara pelilih menua tu sebagi ari chara kitai nagang pengerekai igi penyakit Covid-19 nyadi ba menua zon gadung,” ku iya.

Uggah madah munyi nya ba aum pemberita di Begunan Dun Lama ditu, sehari tu tadi.