ARTIKEL

JPBN patut tebuka runding, diatu udah ngalih renggat baru

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

SANTUBONG: Sarawak ngelaluka pengawa muka palan dagang temuai di nengeri tu sepengudah atur bejalai ngilah nengeri dikemendar, ku Datuk Abdul Karim Rahman Hamzah.

Menteri Dagang Temuai, Seni, Main Asal nya madah mayuh macham industri dagang temuai di Sarawak baka palan beurut enggau spa, taman negara, palan gimnasium enggau ke bukai sepengudah dikemendar beoperasyen bepun 1 Oktober ti udah enggau Atur Pengawa Standard (SOP) ti rat.

“Terima kasih ngagai Opis Dagang Temuai, Seni enggau Main Asal Malaysia (Motac) ti udah ngatur mayuh macham program ungkup nengeri Sarawak.

“Kitai deka nentuka pengawa tu dipejalaika enggau lengkas ari opis ti bukai,” ku iya.

Iya bejaku munyi nya ba penerang media seraya bejalai sereta bejadika Projek Ngemanahka Atap Kampung Budaya Sarawak ditu, kemari.

“Ngarapka Raban Komiti Penyangga Penusah Nengeri (JPBN) enda ngempang jalai lebuh pengawa bejalai ke nengeri bukai dikemendarka ila.

“Taja aku siku ari raban komiti JPBN, aku enda rinduka pengawa ngempang jalai ti udah dipejalaika laban kiruh ke pengawa baka ngambi permit polis, enterSarawak enggau kebukai.

“Diatu kitai udah nerima genap dua dos vaksin, lalu penyampau penerebai bilun deka ditambah ari 22 nyentuk 87 kali. Nangkan ke nya, kitai mega patut beperesa chulit enti deka tama ke nengeri bukai.

“Enti sida udah genap tuchuk vaksin Covid-19, awakka sida masuk, lapa deka nagang sida datai? Pengawa tu sama baka ngilah pelilih menua.

“Aku deka nesau bekaul program ‘Sia Sitok’, tang kitai agi begunaka permit polis, lapa kitai agi deka begunaka permit? Enggau tu, aku madahka pekara tu patut diperatika raban JPBN, ku iya bejaku nyemetak.

Ngelansa pasal atur nagang mai nembiak di baruh umur 12 tahun ke palan mensi mayuh, Abdul Karim madahka pekara tu patut dipansik sereta diberi pemendar.

“Kitai udah masuk ngagai renggat endemik. Kitai enda patut ba renggat dipekul baka tu agi.

“Baka ti udah dipeda diatu, lebih 99 peratus kes positif di nengeri tu ngaul kategori 1 enggau 2 iya nya bisi kelai. Mensia mayuh ba nengeri tu udah tembu divaksin, nadai utai ti patut diirau agi.

“Nangkan ke nya, JPBN patut terbuka sereta mansik pekara tu enggau silik agi laban kitai udah ngalih ngagai renggat ti baru.

“Nembiak mit enda patut agi dipekul ba rumah, beri awak ngagai sida begulai enggau sida sebilik raun ba luar rumah. Sampai kemaya kitai deka nagang sida bejalai? Tanya iya.

Abdul Karim maya nya mega madahka mayuh kes positif ti ngaul nembiak mit di nengeri tu iya nya kategori 1 enggau 2 aja, tang kes midang ngaul orang tuai enggau ko-morbid aja.

BERITA LAIN

BERITA TERBARU

PM Thailand disahkan positif COVID-19

BANGKOK, Thailand: Perdana Menteri Thailand, Srettha Thavisin, mengesahkan semalam bahawa beliau positif COVID-19. Srettha mengumumkan di akaun rasmi X miliknya bahawa beliau akan mengambil cuti

Tulisan beracun

MATA pena lebih tajam daripada mata pisau. Sama seperti pisau yang dapat digunakan untuk mengukir, alat yang sama juga dapat digunakan untuk membunuh. Pisau dapat

Zii Jia juara Terbuka Australia

KUALA LUMPUR: Pemain perseorangan lelaki profesional negara, Lee Zii Jia meraih gelaran kedua musim ini selepas  merangkul kejuaraan Terbuka Australia 2024 dengan menewaskan wakil Jepun