KUCHING: Sepital Kanowit benung ngiga orang ke sebilik enggau siku pesakit benama Juien Bili beumur 65 taun, kemari.

Nitihka penerang diterima ari sepital, pesakit ditemu ba kaki lima kedai di Kanowit lalu udah dibai ke Sepital Kanowit ngena ambulan udah nerima kangau ari mensia mayuh.

Udah nya, pesakit dibai ngagai Sepital Sibu ngambi beputung kena 17 ngagai 23 September sebedau dianjung baru ngagai Sepital Kanowit.

Nyentuk sehari tu, nadai siku orang ke sebilik enggau iya ngabas tudah ke ba wad beputung lelaki, Sepital Kanowit.

Nambahka nya, tudah Juien mega udah diau ba sepital nya lebih ari dua bulan.

Adres kepenudi Juien nya ba Rumah Joseph Sada, Sungai Selezu, Sebauh, Bintulu.

Mensia mayuh ke bisi penerang tauka ngelala bala pesakit tu, dipinta telefon ngagai Unit Kerja Sosial Perubatan ba lumur, 084-343 333 (sambung 7308) maya jam gawa tauka Sepital Kanowit ba lumur, 084-752 333.

Kita mega ulih betemu enggau lutur ba Wad Beputung Lelaki, Sepital Kanowit enggau lengkas.