Kaban GPS, meseti siti tim

“Kitai meseti gawa nyadi siti tim iya nya GPS lalu ukai ngumbai diri ngarika parti komponen bukai.”

KUCHING: Semua kaban parti komponen Gempung Parti Sarawak (GPS) meseti gawa nyadi siti tim dikena ngenegapka agi serakup gempung nya.

Sapit Kepala Menteri Tan Sri Datuk Amar James Masing madah, pekara tu beguna amat ngambi ngenegapka agi GPS maya napi Pengawa Bepilih Nengeri Ke-12 (PRN12) ila.

“Kitai meseti gawa nyadi siti tim iya nya GPS lalu ukai ngumbai diri ngarika parti komponen bukai,” ku Masing.

Iya mansutka jaku nya ba aum pemberita di Kompleks Dewan Undangan Negeri (DUN) ditu, ensanus.

Masing ti mega Presiden Parti Rakyat Sarawak (PRS) madahka diri tepantup ati meda pemujur dijapai GPS ke diatu.

“GPS meseti gawa ngagai jalai ti betul. Kitai meseri mutarka penanggul ti nyadi siti diri sebilik tauka tim,” ku Masing madah nyemetak madah.

Kenu ku iya, PRN12 tu ila bisi bida enggau pengawa bepilih sebedau tu laban semua pekara bepanggai ba media rama.

“Nya alai, kitai enggau naka ulih meseti bekenaka media rama nyengkaum meri penerang enggau mejah petenah ari piak penyakal,” terang iya.

Suara Sarawak