Keingatka jasa ketuai dulu suba

“Bisi enda genap peranak Sarawak seruran ingatka jasa ketuai ke dulu suba?”

Kenu ku Presiden Serakup Pengajar Sarawak (STU), Macky Joseph, rayat patut temegah nyadi anak Sarawak lalu peluang ngasaika jeman diatu berekat ari pengawa ke udah digaga ketuai dulu suba.

“Rayat mega patut nemu sejarah Sarawak lalu pemesai reti haribulan 22 Julai 1963 enggau 16 September 1963.

“Orang Sarawak lebih agi bala anak mit patut nemu semua sejarah enggau penerang nya,” ku iya.

STU ngarapka genap nembiak rebak baru di Sarawak nemu pemesai reti sereta tanggung pengawa genap genap iku rayat bekaul enggau penumbuh Malaysia.

Macky Joseph, presiden

“Genap rayat Sarawak patut nemu sereta meretika sejarah kelimpah meri terima kasih bekau pengawa ti ngujungka menua tu merdeka.

“Laban ke nyadi rayat Malaysia, kitai patut nentuka pengelantang menua laban kitai endanmg menua ke mansang bepelasarka pengarap enggau kerejasama.

“Aram kitai bela beserakup negika ‘Rukun Negara’ dikena nentuka menua tu terus likun,” ku iya.

Macky mega meransang genap iku orang besaup ke pemaik menua ke disayau ngambika terus mansang sereta lantang.

Nya alai STU deka meri Selamat Hari Sarawak, ku

Suara Sarawak