ARTIKEL

Mawan bejaku ngagai bala KMKK Sitak Wak ba Program Randau nya.

Kembuan adat pengidup ti seruran beterimakasih – Mawan

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

PAKAN: Kembuan ulah ti seruran beterimakasih ngambi nyadi adat ti patut dititihka semua orang, kelebih agi ngagai bala pemesai enggau perintah.

Ku Penyanding Penemu Opis Premier Sarawak (Industri Pemakai, Komoditi enggau Pemansang Wilayah) Tan Sri William Mawan Ikom, adat nya patut diterenak ngambi nyadi siti kelai ti ulih ditampung.

Penatai Mawan (kiba) diambat bala KMKK ba Program Randau nya.

“Adat beterimakasih tu endang adat ti patut diterenak ba diri kitai empu, kelebih agi laban perintah seruran mantu kitai lalu enda ninggalka rayat,” ku iya.

Mawan, ti nyadi Kaban Kunsil Nengeri (ADUN) Pakan, nyebut pekara nya ba Program Randau enggau Tuai Komuniti sereta Tuai Bansa (KMKK) Sitak Wak.

Ba program nya, Mawan minta KMKK di Pakan semampai bekunsika semua penerang ngambi pengawa perintah tau dikereja enggau manah agi.

Iya mega madah Pakan bisi pengulih besai nyadi sitak ti ulih matak temuai dagang.

“Pakan siti pelilih ti pemadu manah enggau orang bukai di Malaysia lalu tu tau ngemuntangka temuai dagang datai ngagai Pakan.

“Di Pakan bisi mayuh endur narit ati sereta besejarah ti patut dilawa semua baka Pendam Rentap, wung, pengawa niki munggu enggau ‘homestay’ lama,” ku iya.

BERITA LAIN

Mayuh bantu ngubah pengidup rayat

DEBAK: Bemacham bansa bantu diberi perintah dikena ngubah enggau nyaga pengelantang rayat. Sapit Premier Sarawak, Datuk Amar Douglas Uggah Embas madah, nya nentuka rayat bulih

Gaji niki nipakka inflasyen

KUCHING: Perintah Besai dipinta nyemela pengawa nikika gaji nipakka tikas inflasyen ngambi pekara tu enda meri empas ngagai rega barang niki ti ngasuh atur nikika

BERITA TERBARU