KOTA SAMARAHAN: Program Roadshow McDonald’s Malaysia deka muka mayuh agi peluang kerejasama kelebih agi bekaul pemansang pelajar Universiti Teknologi MARA (UiTM).
Rektor UiTM Pampang Sarawak, Profesor Datuk Dr. Jamil Hamali madah, rentayan industri nya dikearap ulih muka peluang bejalaika program pemansang enggau latih industri nembiak, licha enggau peluang kereja, projek mansik kunterik sereta ke bukai ti ulih ngemujur kerejasama nya.
Ku iya, Unit Rentayan Industri ba baruh Unit Pansik enggau Industri UiTM bisi batang tuju deka negapka kaul kerejasama kelebih agi ejensi perintah enggau industri.
Kelimpah ari nya, mantu bulih peluang nengah kerejasama UiTM-Industri ungkup tuju pemansang belajar sereta latih industri seraya nyendia pengawa puang ngagai nembiak.
“Program begulai enggau McDonald’s tu mega dipeda nangkup tuju kelimpah narak penemu dagang naggai nembiak sereta nambah pengelaku nembiak UiTM.
“Program sehari tu mega dikearap ulih ngasuh McDonald’s nyadi siti ari palan latih industri nembiak UiTM Pampang Sarawak enggau dipilih nembiak ungkup Program Pemungkal,” terang iya.
Jamil mansutka jaku nya ba Program Roadshow McDonald’s ke UiTM Pampang Sarawak (Zon Borneo) di Ruai Pengawa, UiTM Pampang Sarawak, Kampus Samarahan, ditu tadi.
