KUCHING: Urung 1,000 ngulu Karnival Aram Berami ba laman Kompleks Kort Kuching ditu tadi.
Mandal Sekretari Kelab Rekreasyen Kort Kuching (KRMK) Marina Abdul Rahman madah, tu keterubah sida ngatur program begulai enggau mensia mayuh.
“Tuju kami ngatur program baka tu ngambika mensia mayuh enda rawan datai ngagai kort laban tebal agi sida ngumbai kort semina dilawa enti bisi kebuah enggau pengawa besai aja.
“Kami kala ngatur program sebedau tu tang semina dalam begunan aja.
“Tu keterubah diatur ba luar taja pan gaya hari baka ke enda nyangkung pengawa kami sehari tu,” ku iya.
Marina bejaku munyi nya lebuh dirandau Suara Sarawak ba Karnival Aram Berami KRMK di Kort Kuching ditu tadi.
