SARATOK: Kubu Ranee tauka begunan lama Opis Pelilih Saratok ditu angus pagi tadi.
Taja pia bekau ari nya nadai penusah bebadi nyawa diripot Ketuai Balai Bomba enggau Penyah Penusah Pampang Saratok,PPgB Nazry Mohamat ngenuku ke berita nya.
Raban bomba nerima kangau urung pukul 10.32 minit pagi ari mensia mayuh ti madahka bisi siti begunan ba tuchung bukit enda jauh ari Balai Polis IPD Saratok berasap dipelabaka angus.
Ninga berita nya, enam iku bomba betuaika PBK II Yusuf Bin Tamin berumban ngesah palan penusah.
Lebuh bomba datai bomba meda amat bisi siti begunan dua ringkat benung berasap. Raban bomba mujur ngerara api dalam kandang 20 minit iya nya urung pukul 10.50 pagi nengah bantu raban ATM, APMM, PDRM enggau RELA ari terus majak nyerarai ke ke bukai.
Kebuah penusah angus nyadi agi dipansik.
Begunan Kubu Ranee digaga ba kandang endur 20×40 kaki pemesai.
Ungkup penemu, Kubu Ranee digaga taun 1888 iya nya 10 taun nangkan Kubu Charles ke digaga siku pengereja pengawa benama Maxwell jeman pegai perintah koloni taun 1895 kelia.
