Laki mati, bini raya bakal kena lantak

KUCHING: Siku lelaki peranak menua luar bebadi nyawa lalu bini iya raya bakal pengudah dituntung penusah eksiden ngerimbai stesyen minyak Shell ba Padungan, malam tadi.

Penerang tumu madahka penusah nyadi nuntung dua iku orang ti bejalai kaki dipelaba peranak menua Amerika Syarikat enggau sebuah kerita dipenggi peranak menua tu.

Kededua orang kena penusah tu iya nya dua melaki bini rayat Amerika Syarikat beumur 62 enggau 48 taun.

Ketuai Opis Pansik enggau Penerit Adat Trafik Sarawak, Superintendan Alexson Naga Chabu madah, penusah nyadi urung pukul 12 pagi maya deriba nya bejalai lurus datai ari Kuching Park Hotel nuju ke Jalai Puntang Sri Aman kediri lalu telantakka dua iku nya benung ngelayang jalai.

Kenu ku iya, seduai ke bebadi bela ditabanka berubat ngagai Sepital Besai Sarawak tang siku ari seduai (lelaki) nya dikenuku mutus seput maya diperubat.

“Siku ke bebadi nyawa nya balat bakal ba pala lalu bini iya bisi pechah tulang indu jari kanan lalu dipindah berubat ba KPJ Kuching Specialist Hospital laban ke agi berasai rawan.

“Pansik silik benung dipejalai nengah Seksyen 41(1) Akta Pengangkutan Jalan 1987,” ku iya nengah sebengkah penerang tadi.

Kenu ku Alexson, sedua nya temuai datai ari menua Amerika Syarikat lalu diau ba palan bemalam ke besemak.


PECHAH…Gaya cheremin luan kerita ti balat pechah bekau ari penusah eksiden nya.