PUTRAJAYA: Ukum berat agi patut diterit ngagai siku lelaki beumur 56 taun ti diukum RM6,000 laban ngerikod enggau ngembuan utai enda menuku enggi anak tiri iya.
Menteri Pemansang Indu, Ruang Bilik enggau Komuniti (KPWKM), Datuk Seri Nancy Shukri madah ke ukum nya kelalu lempung enggau enda nipakka penyai ulah lelaki nya.
“Nitih pematut iya patut nyadi orang ti ngelindung sida sebilik.
“Aku ngarap ke raban bekuasa ulih ngena awak ke bisi ngapil pemutus tu,” ku iya ba penerang berita kemari.
Nancy madah baru, ukum berat agi patut diberi ngambi nyadi lalau ngagai komuniti ke alai eksploitasi enggau ngachau seksual ngagai nembiak mit endang enda ulih diterima.
Ku iya, penyalah lelaki nya di baruh Seksyen 10 Akta Kesalahan-Kesalahan Seksual Terhadap Kanak-Kanak 2017, ti meri ukum maksimum jil lima taun tauka diukum nyentuk RM10,000 tauka kededua nya sekali.
Nancy nyemetak madah, ukum ti terit agi ukai semina asi ngagai orang ti dikachau nya, tang mega meri tangkan ke alai ulah baka nya enda ulih diteju pia aja. – ASYRAF HALIM
