BETONG: Opis Menteri Kaunsil Kandang Menua enggau Pengawa Berumah (KPKT) merambu numbuhka Balai Bomba enggau Penyah Penusah (BBP) kategori E ba Pasar Lubok Antu taun baru.

Sapit Menteri Kaunsil Kandang Menua enggau Pengawa Berumah, Datuk Seri Dr. Ismail Abd. Muttalib madah, ngelamatu mayuh kandang menua dijaga BBP Betong ngujungka timpuh ngesah penusah 10 minit enda ulih dijapai.

“Nya kebuah, KPKT udah merambu numbuhka BBP kategori E di Lubok Antu ba taun 2021.

“Projek ngaga BBP Lubok Antu dipelaba beungkus RM500,000 ungkup renggat keterubah.

“Ba Pelilih Pusa deka dipasuk dalam Langgur Pemansang Malaysia Lumpar Ke-12 (RMK12) nitihka peminta enggau guna iya,” ku Dr Ismail nyaut tanya Kaban Parlimen Betong Datuk Robert Lawson Chuat ba Aum Parlimen, ditu tadi.