Makit Saratok enggau Roban deka dikemanah ngena agih RM400, 000

SARATOK: Makit Saratok enggau Roban deka ditutup pengelama dua bulan laban deka diseleti dibaruh perati Kaunsil Pelilih Saratok (MDS) nengah agih belanja RM400,000.

Kaban Kaunsil Nengeri (Adun) Kalaka Datuk Abdul Wahab Aziz madah, agih belanja dikena nyeleti dua buah palan pedaja tu datai ari perintah besai nengah Pakej Penyungkak Ekonomi (PRE) ungkup taun 2020 lalu piak MDS diberi tanggungpengawa ngemata projek tu.

“Pengawa nyeleti tu mungkur pengawa nukar atap ba makit nya laban udah retai sereta nyendiaka mija baru ungkup pedaja ngengkah barang ke dijual.

“Enti udah tembu palan tu deka lantang sereta likun alai sida bejual,” ku iya maya dirandau pemberita pagi tadi.

Suara Sarawak