KUCHING: 1,265 buah sekula di selampur Sarawak deka disikap enggau makmal komputer.
Kepala Menteri Datuk Patinggi Abang Johari Tun Openg madahka perambu ngaga makmal komputer tu endang dikena nyeridi bala nembiak sekula belajarka subjek digital kelebih agi ekonomi digital.
“Nitihka rikod ari Opis Menteri Pelajar pengawa tu begunaka RM12 juta dalam timpuh tiga taun.
“Perintah Sarawak ngemeratka subjek Sains, Teknologi, Injinir enggau Matematik (STEM) dikena ngerandang jalai nuju ekonomi digital,” terang iya.
Abang Johari bejaku munyi nya rambau Pengawa Nasih Tanah Begunan Opis Baru enggau Nyeruri Begunan Akedemik Sekula Primari (SK) Merpati Jepang ditu, tadi.
Ku iya, perintah endang ngarapka bala nembiak sekula meretika pekara komputer nya kebuah sekula primari di menua tu deka naka ulih disikap enggau makmal komputer ti meruan.
Berita penuh Ruai 3 pagila.
