KUCHING: Yang di-Pertuan Agong Al-Sultan Abdullah Ri’ayatuddin Al-Mustafa Billah Shah udah bejadi Pengerami Minggu Penyerakup 2023 ti diatur ba Tebing Sungai Kuching.
Penatai Yang Di-Pertuan Agong Tuanku urung pukul 11 pagi diambat Tuai Pemegai Menua (TYT) Sarawak, Tun Pehin Sri Abdul Taib Mahmud, Menteri Besai Datuk Seri Anwar Ibrahim, Premier Sarawak, Datuk Patinggi Tan Sri Abang Johari Tun Openg enggau Sapit Menteri Besai, Datuk Seri Fadillah Yusof.
Sama datai Menteri Penyerakup Bansa, Datuk Aaron Ago Dagang, bala Sapit Premier, Datuk Amar Douglas Uggah Embas, Datuk Amar Awang Tengah Ali Hasan enggau Datuk Seri Dr Sim Kui Hian, bala Menteri Kabinet Perintah Besai enggau Sarawak, Tuai Sekretari Perintah Besai, Tan Sri Mohd Zuki Ali, Sekretari Perintah Sarawak, Datuk Amar Mohamad Abu Bakar Marzuki sereta temuai basa bukai.
Ba pengawa nya mega, Agong ngelanchar lagu penyerakup ti ngembuan bemacham jaku di Malaysia diberi nama ‘Setia Perpaduan’.
Lagu nya asil buah penemu Agong dikena nerenak semangat beserakup entara rayat Malaysia.
Lagu nya ditengkebang Datuk DJ Dave lalu leka lagu nya digaga Profesor Dr Lim Swee Tin.
Entara bala penanyi tebilang ke nyadaka lagu nya baka Datuk Seri Siti Nurhaliza, Jaclyn Victor, Bob Yusuf, Suki Low, Melissa Francis, Sissy Iman enggau Hacharan Singh.






