ARTIKEL

SEDIA… Karim ngelepas bala penyereta Breaking News Run, malam ensanus.

Meransang gaya pengidup bepengerai

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Sepenyampau 980 penyereta ngerichah pengawa belanda bebala mayuh Breaking News Run 2.0 Night Edition malam ensanus.

Program nya ngerichahka agi jalai alun ngelingi mengeri Kuching ti narak gaya pengidup bepengerai sereta ngerapitka kaul entara raban pemekuh media enggau komuniti.

Program ti diatur begulai Gerempung Pemberita Komanwel (CJA) Pampang Sarawak enggau Gerempung Pemberita Bagi Menua Kuching (KDJA) nya mega ngayan aktiviti rekreasyen ulih nyadi medium ti pemadu manah dikena ngempung serak komuniti.

Bala penyereta diberi pilih nyereta pekit belanda kompetitif penyauh tujuh kilometer (km) tauka 3km rambau malam hari di Kuching.

Bala ti belanda 7km berengkah pukul 7.15 malam lalu perais mata duit diberi ngagai 10 pelanda pemadu jampat seraya bala pelanda 3km dilepas 10 minit udah nya.

Pengawa tu belabuh di Pullman Kuching sebedau datai ba adan di The Hills nengah penatai raban penyereta , volunteer enggau bakih strategik ti meri sukung sepanjai program nya.

Program tu mega disukung raban pemelanja baka Anytime Fitness, FHR Alliance, Opis Menteri Nembiak, Lumba enggau Pemansang Orang Dagang, Petra Energy Berhad, Pullman Kuching, The Hills, Lee Fah Mee Trading, TSL Marketing Sdn Bhd enggau Harissons Trading.

Kelimpah ari peneleba belanda maya malam hari, bala penyereta mega ulih menang bemacham perais tikit benasip ti narit ati ti disediaka malam nya.

Sekeda perais ti bisi disedia iya nya nyadi kaban gym Anytime Fitness pengelama setaun, tablet Honor Pad X8a, kasut belanda Brooks, pakej bemalam enggau makai ba Pullman Kuching, baucher berurut Attiya Spa enggau ke bukai.

Program malam nya mega dipenyadi Menteri Nembiak, Lumba enggau Pemansang Orang Dagang Datuk Seri Abdul Karim Rahman Hamzah lalu digulu sekeda raban bukai.

Chairperson CJA Sarawak, Nancy Nais madah ke program nya diatur dikena ngerami semangat penyerakup enggau gaya pengidup ti bepengerai ba komuniti.

Ku iya, penyampau penyereta nya nyata mandangka majak mayuh orang sedarka pemesai guna ngemeran gaya pengidup ti regas ungkup pengerai ti manah agi.

Iya mega meri besai terima kasih ngagai semua penaja enggau komiti pengatur ti udah meri bantu ngagai pemujur program tu.

Iya ngarap mayuh agi orang deka ngatur aktiviti fizikal nyadi pengawa ninting hari laban genap singkang nuju pengerai ti manah agi nyadi utai ti patut dikemeran.

Berebak enggau nya, Presiden KDJA, Ronnie Teo madah, pengawa nya mandangka penegap kerejasama entara raban pemekuh media, bakih korporat enggau komuniti.

Ku iya, taja pen raban media seruran diuji enggau timpuh ngaga berita pemadu baru, sida mega patut nyaga pengerai tubuh enggau runding dikena nentuka sida ulih terus meri servis ngagai komuniti.

Iya madah, nengah pengawa ngatur Breaking News Run, gerempung deka ngingatka raban media pemesai guna nyemela pengawa enggau pengidup ngambi ulih nempa pengereja pengawa ti bepengerai sereta tan agi.

Iya mega ngarapka mayuh agi program baka tu ulih diatur begulai enggau CJA Sarawak jemah ila dikena ngelakuka chara idup bepengerai sereta ngerapitka kaul entara pengarang berita enggau komuniti.

Berati ke timbal ti chukup manah, raban pengatur ngarap Breaking News Run deka terus ngerembai nyadi siti ari ikonik atur pengawa belanda komuniti di Kuching, awakka ulih meri inspirasyen ngagai mayuh agi orang enda ngira umur ngambi narak gaya pengidup ti bepengerai sereta regas agi.

BERITA LAIN

Peranak Bukit Saban nerima pala tanah

SPAOH: Bisi 350 peranak sitak Bukit Saban diatu berasai lantang lebih nerima Surat Pala Tanah Seksyen 18 Kanun Tanah Sarawak. Surat pala tanah nya meri

KMKK meseti pintar ngemansang Spaoh

SPAOH: Bala Tuai Komuniti enggau Tuai Raban Bansa (KMKK) dipinta ngena pemintar runding enggau berani nyerungkai peluang baru ngadu pemansang Spaoh nipak ubah dunya. Sapit

BERITA TERBARU

Politik Semenanjung tidak jejas GPS – Abdul Karim

KUCHING: Pergolakan politik di Semenanjung Malaysia dijangka tidak menjejaskan landskap politik Sarawak menjelang Pilihan Raya Umum Sarawak Ke-13 (PRU-13), dengan perpaduan rakyat dan agenda pembangunan