KUCHING: Nadai kes positif baru Covid-19 dirikod ba Sarawak kemari ngujungka penyampau kes positif diatu mengkang 580 kes.
Chaiman Komiti Penusah Ngenyit Nengeri (JPBN) Datuk Amar Douglas Uggah Embas, madah, bisi dua kes baru suman enggau diasuh pansut dirikod ba Sepital Besai seharitu.
“Tu ngujungka penyampau kes suman enggau diasuh pansut ari sepital bisi 554 tauka 95.52 peratus.
“Bisi lapan iku agi diperubat dalam wad isolasyen sepital, lalu angka pemati naka kediatu mengkang 18 iku,” ku iya ba aum pemberita nengah facebook Ukas tadi.
Uggah madahka bisi 20 iku pesakit agi dipatau (PUI) dirikod ke alai 12 agi nganti pemutus makmal.
