SIBU: Mandal Presiden Parti Keadilan Rakyat (PKR) ningkah berita madahka iya ningkilka diri ari parti nya lalu nyadi pengari rayat ngatika diri tauka nyemilik Parti Perikatan Nasional (PN).
Iya madah, kenyau ari minggu siti nyin tadi mayuh berita madahka iya pansut ari PKR lalu udah nyadi kaban PN.
“Tu berita bula. Nadai mimpi deka pansut ari PKR tauka menyati pengarap rayat ngagai aku,” pia ku iya madah ngagai pengarang berita, tadi.
Jugah ti mega Kaban Parlimen Lubok Antu madah, iya enda mudah ngelengka idealisme parti sida ke dibai Presiden, Datuk Seri Anwar Ibrahim.
“Kami beserakup ngena siti nama napi enda ngira bansa penanggul enggau penguji datai nuntung.
“Nya alai, aku pechaya kami dalam PKR nadai penanggul ngelaban penguji datai maya hari tu kelimpah kami ngena jalai ti lurus,” ku iya madah baru.
