KUCHING: Premier Sarawak, Datuk Patinggi Tan Sri Abang Johari Tun Openg nerima penemuai basa ari diligit Perintah Republik Singapore, ditu ensanus.
Penemuai nya diulu ke Menteri Kuasa, Sains enggau Teknologi sereta Menteri Pengereja Pengawa Singapore, Dr Tan See Leng. Batang tuju penemuai ti diatur ba Kompleks Satria Pertiwi nya dikena negap kaul dua menua sereta nyerungkai peluang kerejasama strategik entara Sarawak enggau Singapore ba pekara kuasa, sains enggau teknologi.
Diligit Singapore mega disempulang Penulung Tuai Pegawai Eksekutif, Energy Market Authority (EMA), Eugene Toh; Tuai Pegawai Eksekutif, Singapore Energy Interconnections (5GE), Ong Teng Koon; Sapit Direktor Opis Menteri Dagang enggau Industri, Li Xiaoyao; Kaunsilor (Ekonomi), Suruhanjaya Tinggi Singapore di Kuala Lumpur, Melissa Lee; Penulung Direktor Kanan, Opis Menteri Dagang enggau Industri, Serena Chan; Singapore Energy Interconnections (5GE), Seow Hui Lin Joycelyn; Penganalisis Besai, Energy Market Authority, Kannan Arunachalam.
Direktor Opis Kandang Menua Sarawak, Opis Menteri Luar Nengeri, Fenny Nuli mega bisi datai.-EDISI UKAS
