SERIAN: Juluk ati ti deka ngubah Serian nyadi Mini New Zealand meseti disukung enggau pengawa nempa rebak nembiak ti landik dalam bidang teknologi enggau pemintar digaga (AI).
Premier Sarawak, Datuk Patinggi Tan Sri Abang Johari Tun Openg madahka Serian ngembuan potensial besai tumbuh ba sektor betanam betupi enggau dagang tem uai.
Ku iya, potensial nya dipeda ari gaya tanah ke bebukit, industri nupi jeli, sereta penyelai budaya komuniti menua nya.
“Ba aku, juluk ati tu ulih nyadi nyata nengah kerejasama semua raban perintah enggau peribit.
“Tu nyengkaum ngemansangka infrastruktur dagang tem uai enggau bejalaika pansik betanam betupi ba Semenggok,” ku iya.
Abang Johari mansutka jaku nya lebuh bejadika Program Sarawakku Sayang 2026 (SKS) Bagi Menua Serian ba Palan Konvensyen Serian, kemari.
Kelimpah ari nya, ku iya, ekonomi dunya diatu benung tama revolusyen kelima, ti didata ngеnа teknologi kuantum AI, enggau robotik begunaка raban nembiak ti landik dalam bidang sains, teknologi, injiniring, enggau matematik (STEM).
“Ekonomi dunya udah ngali. Diatu kita ba revolusyen kelima iya nya era kuantum AI enggau robotik. Nya kebuah kitai patut nyiap rebak nembiak kita enggau penemu baru tu.
“Skim Pelajar Tinggi Pechuma (FTES) ngemuntangka nembiak Sarawak ke patut nampung pelajar tinggi enggau enda ibuh mayar belanja,” ku iya nyemetak.
Nambahka nya ku iya, pugu pelajar nengeri tu ditеgарka nengah fokus ba pengelandik jaku English enggau Melayu, digemar enggau pengawa belajarа kulikulum Cambridge.
Abang Johari mega ngenal AI meseti dikena enggau bemat, laban teknologi nya nadai penemu baka mensia.
Iya mantaika pengarap iya ngambika mayuh agi raban nembiak Sarawak nguasa sains enggau teknologi dikena nangkap peminta industri beteknologi tinggi sereta nyukung pemansang nengeri ba taun 2030 enggau nangkan nya nyentuk 2050.


