ARTIKEL

1,000 paung kayu mujur ditanam

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Bisi 1,000 paung kayu ari enam bansa kayu kampung menua tu udah ditanam ba Rizab Kampung Sabal, Simunjan dikena nyukung pengawa mulaika pemanah kampung enggau pengawa ngintu biodiversiti di Sarawak.

Enam bansa paung kayu ti ditanam iya nya paung kayu Lidin Bukit, Resak Membangan, Meranti Tembaga, Engkabang Bintang, Meranti Merah Kesumba enggau Kapur Bukit.

Inisiatif Palan Biodiversiti Sarawak (SBC) dikemujur nengah program tanggungpengawa rama korporat (CSR) enggau pampang komersial iya, BioVerde Technologies Sdn Bhd (BVT) nengah kerejasama Opis Kampung Sarawak (JHS).

SBC ba siti penerang berita madah, nengah pemeri 1,000 paung kayu taun tu, penyampau semua paung kayu enggau utai tumbuh ti ditanam SBC nengah inisiatif nya udah nambah ngagai 5,742 pun.

“Ungkup SBC, program baka tu ukai semina bantu terus ngagai pengawa nyaga rampa menua.

“Tang kebendar, kami udah meri peluang ngagai staf industri enggau pelatih ngaul diri ba aktiviti ngintu rampa menua ti di luar pengawa sida ninting hari” ku penerang nya, Hari Enam tu tadi.

Kelimpah ari penerang nya mega madahka inisiatif nya mega ngembuan tuju deka nambahka pengangkun ngagai ekosistem ti nyukung biodiversiti nengeri tu.

Program nanam pun kayu taun tu mega berindik ari sekeda pemujur ti beguna ba pengawa mulaika pemanah kampung di Sarawak.

Kena bulan September 2026, JHS nerima kelala nengah Inisiatif Hijau ASEAN ketegal pemeri opis nya nengah Kimpin Gadung Sarawak.

Rizab Kampung Sabal mega nerima kelala nasional pengudah mujur nanam 31,260 pun kayu ari 82 spesis asal ti dirintai dalam Rintai Mirah Gerempung Pengintu Rampa Menua Antarabangsa (IUCN) dalam timpuh setaun, ti ngujungka nya nempa rikod Malaysia.

Berebak enggau nya, kaul SBC nengah inisiatif nanam paung kayu nya berengkah ari taun 2016 ti dipunka nengah pengawa nanam 500 paung kayu bakau ba Taman Negara Kuching Wetlands.

Pengawa nya udah nya dikerembaika ngagai Rizab Kampung Sabal enggau pengawa nanam 2,500 paung kayu ba taun 2023, ditangkan 1,000 paung kayu ba taun 2024 enggau 742 paung kayu ba taun 2025.

SBC mega meri terima kasih ngagai JHS ketegal embing teknikal enggau kerejasama ti terus ngemujurka program tu, sereta mega ngagai BVT enggau semua staf sereta pelatih industri ti bekaul.

Sama bisi datai Tuai Pemansik enggau Pemansang Operasyen Kerejasama Perintah – Peribit (PPP) SBC, Dr Ng Lee Tze ti ngari ka Tuai Pegawai Eksekutif Interim SBC, Margarita Naming; Pegawai Pansik Pampang Mulaika Pemanah JHS, Rohanie Bohan enggau Tuai Komersial Saintifik BVT, Edmund Lau Chai Ming. – ZAHID ZAKI

BERITA LAIN

240 iku chalun SPM ninga licha motivasyen

SERIAN: Sepenyampau 240 iku chalun Sijil Pelajaran Malaysia (SPM) 2026 ari Sekula Sekondari (SMK) Balai Ringin nyereta Program Ngiri Penemu enggau Peransang dikena netapka pengeransing

Tebing Ai Lawas deka dikemanah

LAWAS: Tebing Ai Lawas ulih dikemansang enggau digaga manah nyadi entara tebing ai pemadu manah rampa ba kandang menua tu nyadi sebagi ari pengawa ngemanahka

BERITA TERBARU