ARTIKEL

Tebing Ai Lawas deka dikemanah

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

LAWAS: Tebing Ai Lawas ulih dikemansang enggau digaga manah nyadi entara tebing ai pemadu manah rampa ba kandang menua tu nyadi sebagi ari pengawa ngemanahka rampa mengeri sereta matak tem uai ke Lawas.

Premier Sarawak, Datuk Patinggi Tan Sri Abang Johari Tun Openg madah, iya setuju ke perambu Sapit Premier Sarawak, Datuk Amar Awang Tengah Ali Hasan ngambi ngaga manah endur nya.

Taja pia, ku iya, sebarang pengawa ngemendarka perambu pemansang semina ulih digaga pengudah perintah baru ditumbuh berindik ari Pengawa Bepilih Besai (PRU) Sarawak Ke-13.

“Aku setuju ke penemu Datuk Amar Awang Tengah ngangkatka Tebing Ai Lawas ungkup pemanah manah rampa di kandang menua tu.

“Tang semina siti pekara, aku enda ulih ngemendarka nya sehari tu. Laban aku nadai kuasa.

“Mandat aku udah ‘colop’, 23 hari bulan nyin tadi.

“Tang enti diberi baru (mandat) 12 Disember ila, Insya-Allah tu deka berubah,” ku iya.

Abang Johari nyebut pekara nya ba Pengerami Bejadi Jematan Bandar Lawas, malam kemari.

Dulu ari nya, Awang Tengah lebih bejaku mantaika niat deka meda Tebing Ai Lawas digaga manah dikena ngenap pemansang infrastruktur mengeri, lebih agi pengudah Jematan Bandar Lawas tembu.

Seraya Jematan Bandar Lawas sepanjai 642 meter ke digaga ngеnа ungkus RM149.86 juta udah tembu menyana kena 15 Oktober 2026.

Jematan ke nyambung Jalai Pulau Salam enggau Kampung Ladang Baru ngelayang Sungai Lawas nya ukai semina peranak lantang mindah aja, tang nambahka rentayan penyambung nengah Northern Coastal Highway (NCH) nuju Merapok enggau entara menua Sabah.

Berebak enggau nya, Premier Sarawak bisi ngemata pengawa ngaku dua projek ari baru Kaunsil Pemansang Koridor Kandung Menua (RECODA), iya nya NCH enggau Jematan Bandar Lawas nengah Malaysia Book of Records (MBOR) sereta Green and Geopark Excellence Awards (GAGA) 2026.

Projek NCH diaku MBOR ba kategori Largest 3D Printed Civil Infrastructure Model, seraya Jematan Bandar Lawas diaku ba kategori Longest Decorative Cable Structure Installed on a Balanced Cantilever Bridge di Malaysia. – EDISI UKAS

BERITA LAIN

Jangan Hanya Jadi Penonton

PILIHAN raya bukan sekadar Pgelanggang parti politik mendapatkan mandat rakyat mentadbir negeri atau negara. Pilihan raya ialah detik untuk rakyat menentukan haluan pemerintahan dan masa

Takwa, sedekah bawa keberkatan

SOALAN: Apakah amalan lain yang membuka pintu rezeki? JAWAPAN: Selain memperbanyakkan istighfar, terdapat beberapa amalan lain yang dianjurkan dalam Islam sebagai ikhtiar untuk memperoleh rezeki

BERITA TERBARU

Pesakit, pakar ulih bekunsi penerang

MIRI: Pengawa bekenaka pemintar digaga (AI) ba bidang perubat ulih mai pesakit ba Sarawak betemu enggau pakar perubat di Shanghai ngеnа sistem ‘luture online’ dudi

Jangan Hanya Jadi Penonton

PILIHAN raya bukan sekadar Pgelanggang parti politik mendapatkan mandat rakyat mentadbir negeri atau negara. Pilihan raya ialah detik untuk rakyat menentukan haluan pemerintahan dan masa