ARTIKEL

Produk ari orkid laku

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

SERIAN: Berengkah enggau 60 pun orkid ti semina nyadi pengawa dikerindu pengudah dipinchin, Saptuyah Baki, 62, udah ngerembaika pengawa nya ngagai urung 1,000 pun ke diatu, dikena ngaga mayuh macham produk bepelasarka orkid.

Nengah komuniti Wisa ti ditumbuhka iya begulai enggau bala baki ti sama udah dipinchin, Saptuyah ngasilka produk baka Teh Orkid Wisa, Choklat ti mega digaga enggau orkid sereta sagu.

Kelimpah ari produk pemakai, iya mega bisi ngaga produk baru iya nya Ai Peruk, rebusan herba ti tau dilurup pengudah beranak enggau Ai Tangas ti tau dilurup ngambi ngeragaska tubuh.

Saptuyah madah, komuniti tu keterubah iya ditumbuhka nyadi pelasar rama endur bala baki begempuru pengudah dipinchin, sebedau sida ngelala potensial orkid ti tau nyadi pun penatai pemisi.

“Wisa tu inisiatif ti dipunka kami seraban ti udah dipinchin. Pengujung iya, kami ngubah bungai orkid tu nyadi produk dikena ngulihka penatai pemisi.

“Tambah mega, bisi indu rumah ke sebedau tu nadai penatai pemisi diatu ulih ngulihka penatai pemisi kediri empu pengudah nitihka kami,” ku iya.

Saptuyah madahka pengerindu iya ba spesis orkid Sarawak majak nambah pengudah iya nyereta nengah komuniti Wisa ti ditumbuhka iya begulai enggau bala baki ti sama udah dipinchin, Saptuyah ngasilka produk baka Teh Orkid Wisa, Choklat ti mega digaga enggau orkid sereta sagu.

Dalam taun 2023, iya berengkah beoperasyen ngatika diri, ngеnа belanja iya empu dikena ngerembaika dagang sereta ngaul komuniti menua nya enggau enda bepanggai ba geran ari luar.

Orkid nya ditanam ba Ladang Sebaki iya nya sebuah tanah enggi sida sebilik ti sebedau tu endur nupi chapi, kambin, sereta endur nanam sawit.

“Orkid Sarawak tu senang idup, tang enti enda ditmu enggau chara ti betul, iya tau mati. Tu nadai begunaka baja laban iya tumbuh sechara kediri empu ke alai pengawa ngintu nya semina mantun sereta ngupas endur nanam aja,” ku iya.

Bekaul enggau pengawa ngasilka, Saptuyah beratika kapasiti ke diatu bisi taka ke alai satu kilogram bungai orkid semina ngasilka urung 100 gram aja.

Iya begunaka endur betanam ke besai agi dikena nangkap peminta penguna.

Iya kala nerima peminta 500 pek produk teh iya ungkup sebekeng pengawa, tang iya enda berani nerima laban nanaka diri enda ulih tenangkapka penyampau ti diguna.

Diatu, produk Wisa dipasar nengah pengawa ngambi bagi ba mayuh macham program, kelimpah ari nengah ejen kediri.

Penatai pemisi ninting bulan dipelaba entara RM1,500 ngagai RM3,000, bepanggai ba penyampau asil bejual enggau pemayuh program ti digulu.

Taja pia, pengawa ngerembaika makit nya napi sekeda pemar ti nyengkaum begunaka setipikit Halal, kelimpah ari begunaka belanja sereta bekal orkid ti chukup.

Iya ngarapka program SKS tu deka terus dipejalai, laban pelasar nya ukai semina ruang ngagai orang dagang ngelakuka barang sida tang mega ngasuh sida ngulihka penemu enggau peneleba ti beguna dikena ngerembaika dagang sida.

Berebak enggau nya, Saptuyah benung belajar pasal ngena makit digital, enggau perambu deka ngelakuka produk Wisa nengah TikTok sebedau nyuluk deka mai dagang nya ngagai makit ke besai agi ti nyengkaum Semenanjung Malaysia enggau menua luar.

BERITA LAIN

Nembiak meseti pintar teknologi, AI

SERIAN: Juluk ati ti deka ngubah Serian nyadi Mini New Zealand meseti disukung enggau pengawa nempa rebak nembiak ti landik dalam bidang teknologi enggau pemintar

1,000 paung kayu mujur ditanam

KUCHING: Bisi 1,000 paung kayu ari enam bansa kayu kampung menua tu udah ditanam ba Rizab Kampung Sabal, Simunjan dikena nyukung pengawa mulaika pemanah kampung

BERITA TERBARU

Nembiak meseti pintar teknologi, AI

SERIAN: Juluk ati ti deka ngubah Serian nyadi Mini New Zealand meseti disukung enggau pengawa nempa rebak nembiak ti landik dalam bidang teknologi enggau pemintar

MSSB Betong rangkul kejuaraan

KUCHING: Majlis Sukan Sekolah Bahagian (MSSB) Betong dinobatkan sebagai juara Pertandingan Bola Sepak Piala Emas Rebutan Yayasan Sarawak 2026 selepas menumpaskan MSSB Samarahan (1-0) pada