LUNDU: Perintah Sarawak merambu nirika sebuah kelai menua tauka monumen ba Opar dikena ngangkatka menua nya nyadi sebuah New Township ba Lundu.

Kaban Kunsil Nengeri (Adun) Opar, Billy Sujang madahka nya sebagi ari perambu Ejensi Pemansang Begulai Ngangkatka Kuching (GKCDA).

Ku iya, tuju nirika monumen nya dikena ngangkatka identiti tauka pengelala komuniti ti bisi dia.

“Opar agi nadai kelai menua, nya alai, terubah kitai mesti bisi New Township dulu laban semina Lundu aja pelilih menu aba Malaysia diuan pupu bansa Bidayuh.

“Monumen tauka kelai menua tu deka nunjukka New Township komuniti ti didirika kitai.

“Kelimpah ari New Township, perambu tu deka mungkur pengawa numbuhka palan rekreasyen, budaya ti nunjukka identiti komuniti ba Opar,” ku iya.

Billy mantaika perambu nya pengudah bejadika Pengawa Bejadi N1 Opar Mini Lab Greater Kuching ba Palan Latih Salcra Bajo Lundu kemari.