KUCHING: Perintah Sarawak ngembuan juluk ngerandang pelajar bekaul aeroangkasa di nengeri tu begulai enggau Universiti Teknologi Swinburne Pampang Sarawak.

Premier Sarawak, Datuk Patinggi Tan Sri Abang Johari Tun Openg madah, universiti nya deka nyadi sebagi ari institusyen pelajar keterubah ti deka ngerandang pelajar nya ila.

“Kitai meseti chakah nangkup peminta makit kelebih agi nanggam kerejasama enggau universiti ti bepalan di Australia.

“Kitai ngembuan Polisi Pelajar Nasional, iya nya muka kus tu tang nadai datai ikas nya (seikas pelajar di menua luar),” ku iya.

Abang Johari bejaku munyi nya lebuh ditanya pemberita pengudah bejadi Konvokesyen Swinburne ba Palan Aum Borneo Kuching (BCCK) ditu, tadi.

Ku iya, taja pen Sarawak ngembuan pengelebih laban bisi bakih kunsi universiti ti gawa ba Australia, tang diatu Australia udah ngembuan bidang kuasa baru dikumbai aeroangkasa.