KUCHING: Polis Sarawak deka ngelanchar Op Selamat serimbai Hari Krismas kena 22 Disember tu.
Kepala Polis Sarawak, Datuk Mancha Ata madah, pengawa ngelanchar operasyen nya deka diatur di Farley, Sibu.
“Baka operasyen ke dulu, kitai ngatur Op Selamat dikena ngelanchar pejalai mensia mayuh pulai ke menua serimbai Hari Krismas,” ku iya.
Mancha mansutka jaku nya ba aum pemberita pengudah baum nyikap diri napi Op Banjir – MTL 2023/2024 di Indu Opis Polis Kontinjen (IPK) Sarawak, ditu tadi.
Sama datai Sapit Kepala Polis Sarawak, Datuk Ibrahim Darus enggau Tuai Opis Pengelikun Dalam Menua enggau Pengelikun Mensia Mayuh IPK Sarawak, Superintendan Nixon Joshua Ali.
