KUCHING: Opis Perengka Pengangkut Darat (JPJ) deka muka kaunter servis diungkupka ngagai pekara dipilih bepun pagila (29 April).
Tu nyengkaum servis bekaul enggau perengka pengangkut mensia mayuh, perengka pengangkut barang enggau dagang temuai.
Nitihka penerang ari JPJ, operasyen kaunter deka berengkah dibuka ari pukul 8 pagi ngagai 1 lemai ninting hari maya opis dibuka.
Atur tu seriris enggau gerah ari Menteri Kanan (Pengelikun) Datuk Seri Ismail Sabri Yaakob apin lama ke udah.
Taja pia, semina sekeda opis aja deka bejalaika operasyen ba siti-siti nengeri.
Servis ba kaunter semina deka mungkur servis bekaul enggau ngaduka baru lisin perengka pengangkut (LKM) perengka pengangkut dagang.
Kaunter mega deka dibuka ngagai servis ngaduka lisin deriba Malaysia, lisin Volasional (GDL, PSVD) enggau pekara kena sekat sereta mayar saman.
Ku penerang nya, gerah ngagai kaunter bekaul enggau servis bukai ke dibuka semina deka dipansutka nitihka pemansang ari igi penyakit Covid-18 sereta pemutus perintah bekaul enggau Atur Mindah Betagang (PKP).
Berebak enggau nya, JPJ ngelalau mensia mayuh ti deka ngaduka servis rambau kaunter dibuka ila ngambika nitihka atur PKP ngambika ulih nagang pengerekai igi oenyakit Covid-19 seriris enggau lalau udah ditetapka Opis Menteri Pengerai Malaysia (KKM).
Entara kaunter opis JPJ ti deka dibuka di Sarawak nyengkaum JPJ Kuching, JPJ pampang Sri Aman, JPJ pampang Sarikei, JPJ pampang Bintulu, JPJ pampang Sibu enggau JPJ pampang Miri.
