MUKAH: Opis Pelilih Matu diatu udah dipindah ngagai Opis Baru Bruan Mapal Jaya Matu.
Pekara nya dipadahka Pegawai Pelilih Matu, Wan Hipni Wan Mohamad seraya madahka sida udah beoperasyen enggau pindah ngagai endur baru nya kenyau ari 27 September tu tadi.
“Seriris enggau pekara nya, adres diatu mega nitihka adres baru iya nya Pejabat Daerah Matu, Pusat Pentadbiran Baharu, Bruan Jaya, 96250 Matu, Mukah, Sarawak.
“Pia mega, lumur telefom rasmi kami diatu iya nya 084-831101, lumur faksimili nya 084-831102 enggau laman web rasmi kami nya mukah.sarawak.gov.my,” terang iya kilah ensana.
Naka diatu, Opis Pelilih Matu bar utu bisi dua ringkat ke alai ringkat baru nya kaunter servis, Kort Bumiputera, Opis Tuai Komuniti sereta Opis Pengintu Pengelantang Komuniti Pelilih Matu.
Pia mega, ringkat atas nya ungkup atur bukai enggau nyadi bilik baum.
Nitihka penerang, Opis Pelilih Matu baru nya beungkus RM4.8 juta ke udah dikemendar manggai 10 taun ke udah lalu udah tembu kenyau ari tiga taun ke udah.
Sebedau tu, begunan tu udah diserah Opis Kereja Raya (JKR) ngagai Kaunsil Pelilih Matu kena 30 march tu tadi lalu diatu ulih dikena.
