KOTA SAMARAHAN: Raban orang bumai lokal patut ngubah runding, lebih agi ba pengawa ngelai sereta ngangkat kualiti utai tanam ti ulih dikerembai ba industri betanam betupi.
Menteri Industri Pemakai, Komoditi enggau Pemansang Wilayah Sarawak, Datuk Seri Dr Stephen Rundi Utom madah, Gerempung Orang Bumai Nengeri Sarawak (PPNS) enggau Gerempung Orang Bumai Sitak (PPK) deka bekerejasama enggau Opis Betanam Betupi sereta opis bekaul perintah besai enggau nengeri ngambi mantu orang bumai nitih pengulih enggau pengering sida.
“Penguji udah nya iya nya ngelaku asil, pengawa proses ili enggau ke bukai, lalu nengah chara tu, kitai ulih belajar.
“Nya meh kebuah PPNS bejalaika pengawa ngatur enggau nyeraris, sebaka enggau pengawa ti dikereja orang ba Thailand.
“Sida ngena chara ti bangat sistematik ngambi enda masau asil tanam,” ku iya.
Rundi madah ke pekara nya maya dirandau pemberita lebuh iya ngatur pejalai gawa ngabas Taba Projek Begunan Baru PPNS sereta Taba Projek Pasar Borong Samaraham ditu tadi.
berita penuh Ruai 3 pagila
