BINTANGOR: The Church of God in Bintangor nerima surat pala tanah ungkup tuju pengarap seraya dikena niri chapel ngambi nyendia palan besembiang ti lantang agi ungkup komuniti.
Kaban Kunsil Nengeri (ADUN) Meradong, Datuk Ding Kuong Hiing madah, pengawa ngemendar tanah nya beguna endar dikena nyendia palan besembiang ti engkeman enggau manah agi.
“Chapel ti deka didiri ukai semina nyadi palan besembiang ti lantang, tang mega ulih nyukung bemacham aktiviti pengarap enggau komuniti,” ku iya.
Kuong Hiing madah munyi nya ba pengawa nyua surat pala tanah di Opis Tanah enggau Survei (JTS) Bagi Menua Sarikei, empai lama, Iya mega meri terima kasih ngagai JTS Bagi Menua Sarikei laban udah bekerejasama ba atur ngemendar enggau nyua surat pala tanah nya.
Sama datai, Penguasa JTS Bagi Menua Sarikei, Sr Awan Amal. – EDISI UKAS
Komiti khas mutar isu legasi pemansang Bakun patut ditumbuh
14 October 2026
4 hours lepas
KUCHING: Pengawa numbuh komiti khas mutar isu legasi pemansang ba palan pengentap baru Bakun, kelebih agi ngaul rayat di BRS Sungai Asap enggau hak tanah
