ISABELLA INCHANG
suarasarawak.sv@gmail.com

KAPIT: Palan pedaja ba Makit Terabai Kapit diperambu ditangkir besai agi.

Menteri Kereja Raya ti mega Kaban Parlimen Kapit, Datuk Seri Alexander Nanta Linggi madah, perambu tu nentuka mayuh agi pedaja ngelaku enggau nyual produk asil kampung sida dia.

“Bisi mega perambu projek timpuh panjai baka nangkir entepan entukar tauka palan ngangkut barang tauka produk sereta asil kampung ti deka dijual,” ku iya.

Nanta madah munyi nya lebuh bejadi pengawa nyuaka mija ungkup bala pedaja di Makit Terabai Kapit, ditu kemari.

Ke rikod, bantu mija besi enda mudah betegar nya asil pemeri Nanta begulai enggau Sapit Menteri ba Opis Premier Sarawak (Undang-Undang enggau Adat Bumiputera) Datuk Jefferson Jamit Unyat beungkus RM 54,000.

Kelimpah ari nya, iya mega ngelalau seraya betanya ke penanggul ditapi bala pedaja ba makit baru nya.