KUCHING: Lebih 50 volunteer nembiak ari universiti begulai nero mural di Pasar Tambirat, Asajaya kena 9 Februari tu tadi.

Kerejasama raban nembiak ari Gerempung Save the Earth from A to Z (ASEZ) enggau Kaunsil Mengeri Kota Samarahan (MPKS) nya diatur ungkup ngemanahka agi Pasar Tambirat.

Sekeda pengawa ti bisi diatur sida iya nya nero enggau ngechat dinding lama, ngatur landskap lama ngambi gadung enggau richah agi.

Sida mega ngias sekeda chura pudar ba dinding ngambi kemas enggau manah agi dipeda mata mensia mayuh.

MPKS ti nyukung pengawa nya bisi nyendia chat akrilik enggau set berus dikena ngemuntang pengawa sida ngechat dinding nya.

Bala nembiak nya begempung mantu peranak dia ngambi ransing agi sereta ngemanah imej komuniti ti bedagang dia.

Sekeda teknik dero ti digaga sida iya nya fabrik vinil ba atas lantai enggau teknik graviti tauka noda.

Sida mega bisi muai sarang empelawa enggau debu ari dinding lama ti bisi dia.

Udah meresi dinding, sida berengkah nero bungai, pun kayu, langit enggau remang ngambi dinding di pasar nya dipeda idup sereta mandangka rampa menua.