KABONG: Parti Pesaka Bumiputera Bersatu (PBB) Pampang N.40 Kabong udah sedia napi pengawa bepilih kaunsil nengeri (PRN) ti dipelaba diatur sebarang maya.
Chairman iya, ke mega Adun Kabong, Mohd Chee Kadir madah, semua ketuai pampang PBB endang patut udah nyikap diri dikena napi PRN deka datai.
“Pemutus madamka Kaunsil Nengeri bepanggai ba Kepala Menteri Datuk Patinggi Abang Johari Tun Openg.
“Nya alai arapka semua ketuai Gempung Parti Sarawak (GPS) kelebih agi parti PBB bela udah nyikap diri,” ku iya.
Iya madah munyi nya rambau aum PBB N.40 Kabong ba Bilik Aum Palan Servis Komuniti ditu pagi kemari.
