SIBU: Gempung Parti Sarawak (GPS) meseti bebendar gawa nambahka penatai pemisi nengeri dikena ngemansang mengeri Sibu nyadi baka Amsterdam di Belanda.
Chairman nya ke mega Premier Sarawak, Datuk Patinggi Tan Sri Abang Johari Tun Openg madah, kebuah pia laban dikena ngemansang Sibu baka Amsterdam begunaka besai belanja.
Nya kebuah, iya nyemetak madah, perintah nengeri ti diiring iya deka ngiarka bekaul berapa mayuh agih belanja ungkup tuju nya.
“Kami (perintah) deka nusun baru Sibu.
Aku besemaya naka ulih ngangkatka Sibu baka Amsterdam di Belanda,” ku iya.
Abang Johari mansutka jaku nya lebuh ngulu Pengerami Makai Lemai Taun Baru China diatur Gerempung Besai China (UCA) Bagi Menua Sibu, malam tadi.






