KUCHING: Pejalai mindah entara pelilih ba Sarawak agi begunaka pemendar (permit) ari piak polis, pia ku Sapit Kepala Menteri Datuk Amar Douglas Uggah Embas.
Uggah ti mega Chairman Komiti Penyangga Penusah Ngenyit Nengeri (JPBN) madah, tagang pejalai mindah entara pelilih ba Sarawak agi diterit.
“Nya alai, piak polis deka bejalaika pengawa ngempang jalai ba semua pelilih ngambi matau pejalai mensia mayuh mindah entara pelilih.
“Nya kebuah, mensia mayuh meseti minta pemendar polis enti deka mindah ngagai pelilih bukai,” ku iya.
Uggah mansutka jaku nya ba aum pemberita pandemik Covid-19, ditu lemai tadi.
Uggah nyemetak madahka penerang ti ngerembai sebelah media rama nya berita bula lebuh madahka semua pengawa ngempang jalai ba Sarawak ditutup berengkah ari pukul 6 lemai kemari nya semina jaku
Uggah mega madah, penerang ti dikerembai sebelah media rama nya penerang ti bula.
