ARTIKEL

Pelajar tumu nembiak mit pemun nempa rebak bepenemu, inklusif di Sarawak

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

DALAT: Pelajar tumu nembiak mit nyadi pengawa meranak puku strategik timpuh panjai dikena nempa pemanah ulah, pengandal diri enggau pementas rebak dudi hari Sarawak, ukai semina nyendiaka sida ngelala urup enggau lumur aja.

Menteri Pemansang Indu, Nembiak Mit enggau Pengelantang Komuniti Sarawak, Dato Sri Fatimah Abdullah madah, 30,695 ari 31,035 nembiak Primari Satu di selampur Sarawak ba taun 2026 udah masuk pelajar pra sekula, lalu penyampau nya ngerikod 98.9 peratus.

Ku iya, pemujur nya ngayanka pengeran perintah nentuka akses pelajar tumu ke mayuh agi, kelimpah meri perati ngagai kualiti, rampa belajar ke likun sereta chara bepelasarka nembiak mit.

“Pelajar tumu ke neman deka nyadi pemun tegap dikena ba pejalai belajar nangkan nya sereta nempa rebak ke udah sedia napi pemar dudi hari.

“Kitai deka ke bala anak datai ke tadika enggau ati gaga, berasai likun, berani nguji pekara baru sereta diembing pengajar nitih pematut,” ku iya.

Iya nyebut jaku nya maya bejadika Pengerami Konvokesyen SeDidik Sarawak Zon Mukah enggau One-Stop Early Intervention Centre (OSEIC) Dalat Taun 2026 di Dewan Utama Kompleks Kebajikan Dalat, kena Hari Satu.

Pengerami nya meda 43 nembiak mit ari tujuh buah Tadika SeDidik Zon Mukah enggau 24 nembiak mit ari OSEIC Dalat dirami pengudah nembuka program pelajar tumu sida.

Berebak enggau nya, Dato Sri Fatimah ke mega Chairperson Kaunsil Direktor SeDidik madah, SeDidik Sarawak majak chakah bejalaika servis ngena pendigitalan nengah aplikasyen MySeDidik nentuka komunikasyen entara raban pengatur, pengajar enggau apai indai lanchar.

Naka Oktober 2026, bisi 5,654 ari 6,230 apai indai udah ngena sistem nya.

Iya bela madahka pemesai guna pelajar inklusif enggau program intervensi tumu dikena nentuka nembiak mit ke begunaka bantu khas enda dikemelu ari pelajar.

Nya alai, ngatur pengawa nipakka digital nengah kerejasama enggau kompeni Jepun, Toy8, bala diatur dikena nyidi pengulih utai diguna khas ba nembiak mit ari renggat tumu agi.

Sama datai Menijar Besai SeDidik Sarawak, Ayub Dahari, Menijar OSEIC Sarawak, Datuk Dr. Sadiah Abdul Samad, Pemangku Pegawai Pelajar Pelilih Dalat, Adrian Lang sereta Nizam Muhammad Adli ngarika Residen Sitak Mukah. — EDISI UKAS

BERITA LAIN

Huang hulur bantuan mangsa kebakaran Rumah Sibar

SARIKEI: Empat keluarga yang terjejas selepas empat pintu di Rumah Sibar Duat, Lubok Lemba, Ulu Sarikei musnah dalam kebakaran, menerima bantuan daripada Timbalan Menteri Perladangan

BERITA TERBARU