LAWAS: Perengka guna ke manah agi sereta likun di menua pesisir patut semampai diperati dikena nentuka pengelantang rayat mayuh.

Sapit Premier Sarawak, Datuk Amar Awang Tengah Ali Hasan madah, nama ke nyadi di menua patut diperati ngambika projek ke digaga endang nipak guna peranak menua.

Iya bejaku munyi nya maya ngabas Projek Balai Mensia Mayuh Kampung Merambai enggau Kampung Bukit Manang, Merapok, ditu empai lama.

Awang Tengah madah, sekeda ari perengka guna ke patut diperati iya nya balai mensia mayuh, gerija enggau jalai semin dua buah genturung pendiau nya.

Kelimpah ari nya, iya bela nerangka pengelikun bekaul karan lebih agi wayar ti tau kena ai ngujung penanggul karan tau nyadi. Nya alai, ku iya, pengawa ngaga projek patut diperatika enggau silik ngambika semampai likun sereta meri pemaik ngagai rayat.

Bela datai, Kaban Parlimen Lawas, Datuk Henry Sum Agong; Direktor Ejensi Pemansang Kandang Utara (NRDA), Datu Ubaidillah Abdul Latip; Sekretari Politik Premier Sarawak, Awangku Jinal Abedin Dato Pengiran Jawa enggau Pegawai Pelilih Lawas, Ladin Atok.- EDISI UKAS