KUCHING: Projek bekaul enggau penanggul bekal ai enda deras disadang tembu datai ba taun 2020.

Menteri Utiliti Datuk Dr Stephen Rundi Utom madahka 85 peratus ari agih belanja Perintah Sarawak dikena mutarka penanggul nya.

“RM2.2 bilion ari RM2.8 bilion udah dikena ngadu sereta ngiga palan pemansut ai ba kandang menua napi penanggul ti mungkur 346 projek,” ku Rundi.

Rundi madah munyi nya lebuh dirandau pemberita pengudah bejadika SOP O&M enggau SOP Contract Administration Opis Bekal Ai Menua Pesisir (JBALB) ba sebuah hotel ditu tadi.

Nangkan nya ku iya, projek endang dipejalai selampur Sarawak kelebih agi genturung pendiau ti napi penanggul ai enda deras.