KUCHING: Gerempung Pengajar Bumiputera Sarawak (KGBS) ngansak Opis Menteri Pelajar Malaysia (KPM) meri kuasa otonomi mutarka penanggul suntuk pengajar ngagai Opis Menteri Pelajar, Sains enggau Pansik Teknologi (MESTR).
Presiden KGBS, Ahmad Malie madahka kuasa otonomi nya beguna amat berindik ari penanggul nya lalu apin teputar taja udah lama nekul sistem pelajar ba menua tu.
Ku iya, taja KPM udah bejalaika pangku pengawa sida tang dipeda kelalu lubah ngujungka mayuh penanggul enda ulih diputar taja diatu udah datai ba tengan taun.
“Enti bisi kuasa otonomi enggau agih belanja diberi ngagai MESTR, kami andal amat penanggul suntuk pengajar tu deka muntang agi diputar.
“KGBS mega pechayaka penau MESTR gawa, sida tentu mega bisi perambu enggau strategi kediri empu dikena mutarka penanggul tu,” ku iya ba sebengkah penerang berita, tadi.
