PUN engkerebai tauka nama saintifik, Psychotria malayana/Psychotria viridiflora tu sebansa utai tanam ti mayuh dikena peranak asal Borneo.
Ambi ke chunto, daun engkerebai mayuh dikena raban bansa Dayak kelebih agi ba Sarawak enggau Kalimantan, Indonesia nyadi chura ubung dikena betenun.
Daun tu deka dikena nengah chara direbus lalu digulai kapur. Udah nya, ubung deka direndam dikena ngulihka chura urum.
Bisi mega tungkap etnobotani ba Desa Sungai Utik, Kabupaten Kapus Hulu, Kalimantan Barat (Kalbar) tetemu ke pun kayu tu ti disebut engkerebai kayoh nya siti ari kereban diguna dikena ngaga chura mansau redam ba lambar kain tenun komuniti Dayak Iban.
BUDAYA & SOSIAL
Tenun ba komuniti Iban ukai semina aktiviti ekonomi tag mega pesaka budaya ti mai identiti etnik, cherita asal, motif enggau pengarap. Pengawa ngena chura asal baka engkerebai nya sebagi ari penulin tenun tradisyen ti ngujungka asil tenun ukai semina komoditi tang mega lambang pesaka asal.
GUNA ENGKEREBAI
Engkerebai ba komuniti Iban ukai semina pun kayu tang nyadi kereban budaya ti nali kaul entara mensia, rampa menua enggau pesaka asal.
