ARTIKEL

Pengajar Gerdashlie ngempu trofi Mr Kuching 2023

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

“TU endang peneleba pemadu berega sekumbang udah masuk pekit gumpal isi.

“Aku nemu diri empu udah bebendar belatih, ngansah pengelandik diri ngambi ngempu trofi lalu ulih menggi gelar champion.

“Aku mega nemu semua pengawa ti udah dikereja ngelama tu udah datai ba pemujur lalu juluk dikeingin ati nyadi nyata,” ku Pengajar Sekula Sekondari (SMK) Siburan, Gerdashlie Bodos.

“Diatu, aku fokus belatih lalu ngansah pengering, penegap tubuh enggau pengelandik diri ungkup pekit Mr Sarawak 2023 sereta pekit bukai.

“Besai pengandal ati diri ulih masuk Mr Malaysia,” ku juluk ati iya.

TUBUH TEGAP… Pengajar Gerdashlie mandangka trofi Champion Entara Champion Mr Kuching 2023.

Pengajar Gerdashlie udah ngepunka pejalai iya ba pekit gumpal isi ba taun 2019.

CHAMPION ENTARA CHAMPION

Pengajar SMK Siburan nya mega udah menggi gelar Champion Entara Champion ba Pekit Mr Kuching 2023.

Pekit gumpal isi nya udah diatur ba Auditorium Kompleks Nembiak enggau Lumba Sarawak, Hari Enam tu tadi.

Sebedau tu, Gerdashlie, 36, udah menang Kategori Gumpal Isi Senior Lelaki 75kg Ke Atas.

Iya mujur ngalahka Mohamad Sani Sanawi enggau Paul Yang ti ngempu penuduk kedua enggau ketiga.

Ba panggau Champion Entara Champion, pengajar betubuh tegap tu udah ngalahka dua pemenang kategori bukai iya nya Daubline Timbol (Kategori Bina Badan Nyentuk 65kg) enggau Falizan Salleh (Kategori Gumpal Isi 65kg-75kg).

Sida tiga mujur masuk Mr Sarawak 2023 ke deka diatur kena 1 Julai 2023.

MR KUCHING 2023

DIRI MENYADI… (Ari kanan) Abdul Ramzi, Mohd Nurrazmi enggau Azmizi mandangka penegap tubuh ba Kategori Gumpal Isi Novice.

Edisyen Mr Kuching 2023 tu keterubah iya mandangka pemekit indu ba Kategori Women’s Model Fitness.

Tang, semina dua atlit masuk aktegori tu laban baru dibantai iya nya pemenang Ong Shih Ling enggau pemekit ke bulih penuduk kedua, Tina Nubib.

Lebih manis, seduai bela ulih masuk Mr Sarawak 2023 ke deka diatur kena 1 Julai 2023.

Pekara ti narit ati ba Mr Kuching 2023 baka pemekit tiga iku diri menyadi iya nya Abdul Ramzi Bujang, Azmizi Bujang enggau Mohd Nurrazmi Bujang ke alai sida ti udah ngempu Kategori Gumpal Iisi Novice (Bakat Baru).

Abdul Ramzi ke mega pemenang midul emas ditangkan menyadi iya, Azmizi bulih midul pirak seraya menyadi biak sida, Mohd Nurrazmi bulih midul engkeraju.

Abdul Ramzi nya mega pemenang Kategori Athletic Physique (Susuk Tegap) 170cm Ke Atas, ke alai Faiz Nubhan Jewan enggau Jwendy Joshua bela ngempu penuduk kedua enggau ketiga.
Enda alah enggau menyadi iya, Azmizi ngempu Kategori Athletic Physique Nyentuk 170cm, ditangkan Mohd Nurrazmi ke ngempu penuduk kedua lalu Azizan Aziz ba penuduk ketiga.

BELA KERING

Pemekit ti ngempu penuduk kedua enggau ketiga ba Kategori Gumpal Isi Nyentuk 65kg iya nya Helwin Marshall Edwin enggau Iqbal Fariq Ahmad.

Seraya ungkup Kategori Gumpal Isi 65kg-75kg, penuduk kedua enggau ketiga dipenggi Adrian Goh enggau Jeremy Tichai Sigat.

Pekit Mr Kuching sekali tu ngempung 25 atlit ari selampur Zon Selatan Sarawak.

Kelimpah ari nya, pekit diatur Gerempung Gumpal Isi Bagi Menua Kuching (KDBBA) nya udah nerima sukung tegut ari Opis Menteri Pengerai Mensia Mayuh, Pengawa Berumah enggau Perintah Lokal sarawak ke mega Opis Nembiak enggau Lumba (JBS) Sarawak.

Pemelanja besai bukai baka BBS Health & Fitness Supplement, Aminos Restaurant, Footsiie Q Reflexology & Family Massage, DeX Gym Fitness & Studio enggau GG Presents.

Sama datai Datuk Bandar Kuching Selatan, Datuk Wee Hong Seng ke mega Presiden Gerempung Gumpal Isi Nengeri Sarawak (SBBA) enggau ex-champion gumpal isi Asia, Liaw Teck Leong.

BERITA LAIN

Rampa menua, budaya Ulu Entabai pematak SIE

PEMANAH rampa menua, peneleba ngatur kem entukar besai ba tebing sungai sereta penyelai adat enggau budaya komuniti Iban nyadi pekara pematak raban program Sarawak Interior

Hari keterubah richah

SRI AMAN: Kompleks Lumba Sri Aman kemari richah laban mensia mayuh udah belabuh ngelawa Program Sarawakku Sayang (SKS) Sri Aman ti diatur tiga hari berunggu

BERITA TERBARU

GP Malaysia 2026: Hakim Danish Raih Petak Ketiga

SEPANG: Pelumba Moto3 negara Muhammad Hakim Danish Ramli meletakkan dirinya dalam kedudukan terbaik untuk memburu podium Grand Prix (GP) Motosikal Malaysia 2026 selepas meraih petak